عسکریت پسند تنظیم کی معاونت کا الزام، تین افراد گرفتار

جموں و کشمیر پولیس نے آج وادی کے جنوبی ضلع اننت ناگ سے عسکریت پسند تنظیم حزب المجاہدین کی معاونت کرنے کے الزام میں تین افراد کو گرفتار کرنے کا دعویٰ کیا ہے۔

پولیس کے مطابق گرفتار کیے گئے افراد عادل احمد ڈار، عقب فیض مکروہ اور اعجاز احمد کے پاس سے قابل اعتراض مواد برآمد کیا گیا ہے۔

پولیس کا کہنا ہے کہ "یہ تینوں عسکریت پسند تنظیم حزب المجاہدین کی معاونت کیا کرتے تھے اور عسکریت پسندوں کو پناہ دیتے تھے اور انہیں کئی طرح کی سہولیات فراہم کرتے تھے''۔

پولیس کا مزید کہنا تھا کہ "یہ افراد معصوم نوجوانوں کو گمراہ کرکے انہیں عسکریت پسندی کا راستہ اختیار کرنے کے لیے مجبور کرتے تھے۔"