میوات : عوام عیدگاہ میں نماز ادا کرنے سے محروم

کورونا وبا نے جہاں مسلمانوں کے عید کو بے رنگ کر دیا، وہیں اب عید الاضحی بھی بے رنگ ہوتا نظر آرہا ہے, اس وائرس میں اضافے کے سبب عوام ایک بار پھر عید گاہ میں نماز ادا کرنے سے محروم رہے گی۔

میوات: کورونا وبا نے جہاں مسلمانوں کے عید کو بے رنگ کر دیا، وہیں اب عید الاضحی بھی بے رنگ ہوتا نظر آرہا ہے، میوات کے مالب گاؤں کی تاریخی عیدگاہ عید الاضحی کی نماز کے لئے سج دھج کر تیار ہے۔ علاقے کے عوام بھی پھیکی عید ہونے کے سبب عید الاضحی کی تیاری جوش و خروش سے کر رہے تھے۔ لیکن کورونا وبا میں اضافے کے سبب ایک بار پھر اس تاریخی عیدگاہ میں صرف گاؤں کے لوگ ہی نماز ادا کر سکیں گے ۔

یہ تاریخی عید گاہ عید الفطر کے موقع پر بھی نمازیوں کے جم غفیر سے محروم تھی۔ امید کی جا رہی تھی کہ عید الاضحی تک سب ٹھیک ہو جائےگا ۔ اس لئے شاہی مسجد اور عید گاہ کو مزین کرایا گیا۔ لیکن کورونا وائرس میں اضافے کے سبب حالات معمول پر نہیں لوٹے اور عوام ایک بار پھر عید گاہ میں نماز ادا کرنے سے محروم رہے گی۔

مالب گاؤں کے رہنے والے وحید کہتے ہیں کہ 'عیدگاہ میں نماز تو ادا کی جائے گی لیکن یہاں گاؤں کے کچھ لوگ ہی شامل ہوں گے ۔ وہیں گاؤں کے نوجوانوں کا کہنا ہےکہ عید کی نماز تو عیدگاہ میں اچھی لگتی ہے ۔اس کے بنا لطف کہا آتا ہے