بی جے پی: رکنیت سازی مہم میں مسلم طبقہ پر خاص توجہ

حال ہی میں بر سر اقتدار جماعت بی جے پی نے ملک گیر پیمانے پر بڑی تعداد میں لوگوں کو پارٹی سے جوڑنے کے لیے اپنی رکنیت سازی مہم شروع کی ہے۔

اس مہم کے ذریعہ پارٹی مسلم طبقہ کو بھی جوڑنے پر توجہ دے رہی ہے۔مہم کے تحت گجرات میں بی جے پی اپنے اقلیتی سیل کے ذمہ داران کو الگ الگ ضلع کی ذمہ داری دے رہی ہے۔

اس تعلق سے گجرات ساہتیہ اکادمی کے رکن زین العابدین انصاری کو ضلع گاندھی نگر سے بی جے پی سیل کا انچارج منتخب کیا گیا ہے۔

زین العابدین انصاری نے ذمہ داری ملنے پر خوشی کا اظہار کرتے ہوئے کہا کہ' وہ بخوبی اپنی ذمہ داری ادا کرتے ہوئے صحیح طریقے سے سماج کی خدمت کریں گے۔

ان کا مزید کہنا ہے کہ ' وہ زیادہ سے زیادہ لوگوں کو بی جے پی کا رکن بنانے کی کوشش کریں گے'۔