انٹرنیشنل ہیومن رائٹس پروٹیکشن کونسل گجرات کے صدر شفیع گانچی نے پریس کانفرنس سے خطاب کرتے ہوئے عالمی یوم انسانی حقوق World Human Rights Day کی مبارکباد پیش کی اور کہا کہ انسانی حقوق کمیشن Human Rights Commission پسماندہ لوگوں کو انصاف دلانے کے لیے کام کرتا ہے۔
اس عہدے پر فائز ہونے کے بعد شفیع گانچی نے احمدآباد کے رکھیال علاقے میں پریس کانفرنس کر کے اپنی خدمات و ہیومن رائٹس کی سرگرمیوں کے تعلق سے عوام کو روشناس کرایا۔
انہوں نے کہا کہ 'پوری دنیا میں انسانی حقوق کی بحالی کے کام ہو رہے ہیں اور گجرات میں جہاں بھی انسانی حقوق کی خلاف ورزی ہوئی ہے وہاں ہم نے آواز اٹھائی ہے۔
انہوں نے مزید کہا کہ 'وہ تقریباً 6 سال سے انٹرنیشنل ہیومن رائٹس پروٹیکشن کونسل کے جنرل سیکریٹری کے عہدے پر کام کر رہے تھے اور ان کی خدمات کو دیکھتے ہوئے گجرات کا چیئرمین بنایا گیا ہے۔ انہوں نے امید ظاہر کی کہ جن انسان حقوق کے کاموں کے لیے انہیں پسند کیا گیا ہے وہ کام میں کرتے رہیں گے۔
