Ramadan Special Shopping Fair: احمدآباد میں رمضان اسپیشل شاپنگ میلہ

رمضان و عید کی خریداری کے لیے عام طور سے لوگوں کو بڑے بڑے بازار و دور دراز شاپنگ سینٹر پر جانا پڑتا ہے ایسے می‍ں لوگوں کو قریب میں ہی خریداری کی سہولیات فراہم کرنے کے لیے احمدآباد کے قریش ہال میں قادری ایونٹ کے زیر اہتمام رمضان اسپیشل شاپنگ میلے کا انعقاد کیا گیا۔ Ramadan Special Shopping Fair

اس تعلق سے ایونٹ آرگنائزر شبانہ نے کہا کہ رمضان میں روزہ کی حالت میں لوگوں کو خریداری کے لیے دور جانا پڑتا ہے جس سے انہیں مشکلات کا اور پریشانیوں کا سامنا کرنا پڑتا ہے اس لیے ہم نے تین دنوں کا رمضان اسپیشل میلا رکھا ہے جس میں 30 اسٹالز لگاے گیے ہیں اور بڑی تعداد میں لوگ یہاں خریدی کرنے آ رہے ہیں۔ وہیں اس رمضان اسپیشل میلے میں اسٹال لگانے والے دکانداروں نے کہا کہ ہم نے یہاں رمضان میں استعمال کی جانے والی اشیاء کا اسٹال لگایا جس میں ٹوپی، سرمہ، تسبیح، عطر اور دیگر ضروری سامان ہیں جسے لوگ خوب پسند کر رہے ہیں۔ ramadan shopping fair in Ahmedabad واضح رہے کہ اس کے علاوہ اس رمضان اسپیشل شاپنگ میلے میں ویڈنگ کلیکشن، ڈریس مٹیریل، ریڈی میٹ ڈریس، برقعہ، چلڈرن ویئر، بیگ، فوٹ ویئر، کاسمیٹکس، ہوم میڈ پروڈکٹس، کھجور، افطاری فوڈ مٹیریل، وال ڈیکور، موبائل ایکسیسریز، عطر اور پرفیوم وغیرہ کے اسٹال لگائے گیے ہیں۔