گجرات میں ایشیا کے سب سے بڑے احمد آباد ہسپتال کے باہر 108 ایمبولنس کی لمبی لائن ہے۔ ان ایمبولینس کے ذریعہ مریضوں کو آکسجن دی جارہی ہے۔ احمد آباد سول اسپتال کے احاطہ میں بڑی تعداد میں ایمبولینس کھڑی ہوئی ہیں جن میں مریض لیٹے ہوئے ہیں اور اسپتال کے اندر بستر خالی ہونے کا انتظار کر رہے ہیں۔
احمد آباد کے سب سے بڑے کووڈ اسپتال میں 1200 بستر ہیں جو مریضوں سے بھرے ہوئے ہیں اور کئی مریض اپنی باری کا انتظار کر رہے ہیں۔ کئی مریض اسپتال کے باہر ایمبولنس میں انتظار کر رہے ہیں جنہیں ایمبولینس میں ہی آکسیجن دی جا رہی ہے۔
احمد آباد میں کورونا کے کیسز میں بے تحاشہ اضافہ ہورہا ہے۔ وہیں، احمدآباد سول اسپتال میں 250 بستروں پر آکسیجن موجود ہے اور 50 بستروں پر وینٹی لیٹر کی سہولت ہے۔ یہاں حالت انتہائی تشویشناک ہے۔ احمد آباد میں کورونا کی تشویشناک صورتحال کا اندازہ اس بات سے لگایا جاسکتا ہے کہ یہاں کے سب سے بڑے کووڈ ہسپتال کے سامنے 108 ایمبولینس کی لائن لگی ہے۔ ان میں مریض آکسیجن پر ہیں اور اپنی اپنی باری کا انتظار کرنے پر مجبور ہیں۔
