پولیس نے بدھ کو بتایا کہ چندرکانت عرف چراغ ایم پٹیل اپنے ایک دوست کےساتھ منگل کی نیم شب دھرووتارک سوسائٹی کے نزدیک سے جارہا تھا۔
اسی دوران وہاں ائے ہتیندر عرف بھوریو میواڑ،ابھیشیک عرف بھکھڑوسمیت پانچ لوگوں کے ساتھ کسی بات پر ان کا جھگڑا ہوگیا۔
جھگڑے کے دوران ہتیندر اور اس کے ساتھیوں نے تیز دھار ہتھیار سے چندر کانت اور اس کے دوست پر حملہ کرکے انہیں زخمی کردیا۔زخمی حالت میں دونوں کو اسپتال پہنچایا گیا۔
جہاں علاج کے دوران چندر کانت کی موت ہوگئی۔پولیس معاملہ درج کرکے ملزمین کو پکڑنے کی کوشش کررہی ہے۔
