وزیر اعظم نریندر مودی ویڈیو کانفرنس کے ذریعے ہفتہ کے روز گجرات کے کسانوں کے لئے کسان سوریودیہ یوجنا سمیت تین اہم منصوبوں کا افتتاح کریں گے۔
کاشتکاروں کے لئے اسکیم کے علاوہ وزیر اعظم یو این مہتا پیڈیاٹرک ہارٹ ہسپتال کا بھی افتتاح کریں گے۔ گجرات حکومت نے حال ہی میں کسانوں کی آبپاشی کی ضروریات کو پورا کرنے کے مقصد کے تحت دن میں بجلی کی سپلائی کے لئے کسان سوریودیہ یوجنا کا اعلان کیا تھا۔
اس اسکیم کے تحت کاشتکاروں کو صبح پانچ بجے سے نو بجے تک بجلی کی سپلائی کی جائے گی۔ ریاستی حکومت نے اس اسکیم کے تحت بنیادی ڈھانچے کی سہولیات کی تعمیر کے لئے سال 2023 تک 3500 کروڑ روپئے مختص کیے ہیں۔
سال 2020-21 میں اس اسکیم کے دائرے میں داہود، پاٹن، مہیساگر، پنچمحل، چھوٹا ادے پور، کھیڑا، تاپی، والساڈ، آنند اور گیر سومناتھ کے علاقوں کا احاطہ کیا جائے گا، جبکہ باقی اضلاع کو 2022-23 میں اس کے دائرہ کار میں لایا جائے گا۔
