شوراشٹر کے بعد احمدآباد میں بارش

جنوبی گجرات اور سوراشٹر کے بعد اب احمدآباد اور گاندھی نگر میں کالے بادل چھانے کے بعد موسلادھار بارش ہوئی۔ احمدآباد میں دوپہر میں اچانک موسم نے کروٹ لی اور تیز ہواؤں کے ساتھ بارش ہونے سے لوگوں کو شدید گرمی سے راحت ملی۔

احمدآباد کے ویجل پور، رکھیال، گومتی پور، باپونگر، ایس جی ہائی وے، سابرمتی، بوڈک دیو، ہاٹ کیشور، جشودانگر، امراء واڑی، اوڈو، نروڈو، سرس پور، بوپل، سیٹلائٹ اور سی ٹی ایم جیسے مختلف علاقوں میں جم کر بارش ہوئی۔

دراصل آج صبح سے ہی احمدآباد میں آسمان میں سیاہ بادل چھائے ہوئے تھے اور دوپہر میں آسمان میں شدید کالے بادل چھانے سے لوگ بارش کا انتظار کر رہے تھے۔ اتنے میں بارش شروع ہونے سے لوگوں کو گرمی سے راحت ملی ہے۔ تو وہیں گجرات میں بارش کی وجہ سے 41 ڈیم کو ہائی الرٹ جاری کیا گیا ہے اور 10 ڈیم الرٹ تو 7 ڈیم کو وارننگ دی گئی ہے۔

واضح رہے کہ ان میں سے گجرات میں اب تک 22 ڈیم 100 فیصد پانی بھر چکے ہیں، جبکہ 20 ڈیم 90 سے 99 فیصد میں پانی بھر گئے ہیں۔ اور کئی اضلاع بارش کی وجہ سے سیلاب کی زد میں ہے۔