بھارت کی ریاست گجرات کی دارلحکومت احمد آباد میں قائم محکمہ موسمیات نے باضابطہ طور پر اعلان کیا ہے کہ بحیرہ عرب میں مہا طوفان کا خطرہ پوری طرح ٹل گیا ہے جس کے بعد گجرات کی انتظامیہ نے راحت کی سانس لی۔
تاہم مہا طوفان کے چلے جانے کے باوجود محکمہ موسمیات نے سوراشٹر اور جنوبی گجرات میں معمولی بارش کی پیش گوئی کی ہے۔ محکمہ موسمیات کے ڈرئیکٹر نے کہا ہے کہ 15 نومبر سے سردیوں کا آغاز ہوگا۔
محکمہ موسمیات کے مطابق گجرات میں آئندہ 24 گھنٹوں میں تیز بارش ہوسکتی ہے۔ انہوں نے کہا جنوبی گجرات اور سوراشٹرہ کے علاقوں میں بارش کا امکان ہے جبکہ گجرات کے بیشتر علاقوں میں رم جھم بارش ہو سکتی ہے۔
