مہاتما گاندھی کی 152 جینتی کے موقع پر احمدآباد کے گنیش نگر میں انصاری وکاس چیریٹیبل ٹرسٹ، سمبا گروپ، مانو اتھان چیریٹیبل ٹرسٹ اور جی سی ایس ہاسپٹل کی جانب سے مفت میڈیکل و ویکسینیشن کیمپ کا اہتمام کیا گیا۔
احمد آباد کے انصاری وکاس چیریٹیبل ٹرسٹ کے رکن اور میڈیکل کیمپ کے آرگنائزر مفیض احمد انصاری نے کہا کہ احمدآباد کے گنیش نگر علاقے میں غریب اور پسماندہ لوگوں کی تعداد زیادہ ہے۔ یہاں ہندو مسلم برادری کے لوگ ایک ساتھ رہتے ہیں۔
مفیض انصاری نے بتایا کہ 'اس علاقے کے لوگوں کے لیے مختلف بیماریوں کا علاج کرانا بے حد مشکل ہوتا ہے اس لیے گاندھی جینتی کی مناسبت سے تین تنظیموں نے مل کر گنیش نگر میں مفت میڈیکل کیمپ اور ویکسینیشن کیمپ کا اہتمام کیا جس میں 200 سے زائد لوگوں نے فائدہ اٹھایا۔
اس میڈیکل کیمپ میں شرکت کرنے والے دانی لمڈا کے کاؤنسلر شہزاد خان پٹھان نے کہا کہ گنیش نگر کے ضرورت مند لوگوں کے لیے یہ کیمپ رکھا گیا گیا تھا۔ یہاں آنے کے بعد انہوں نے لوگوں کی پریشانیوں کو سُنا اور ان کے حل نکالنے کی کوشش کرنے کا فیصلہ کیا۔
