ان کے ساتھ ہی بغاوت کرکے کانگریس چھوڑنے والے سابق ایم ایل اے دھول سنگھ جھالا بھی بی جے پی کے ریاستی ہیڈکوارٹر شری کمل میں برسراقتدار پارٹی میں شامل ہوگئے۔
گجرات بی جے پی کے صدر جیتو واگھانی نے دونوں رہنماؤں کو پارٹی کی رکنیت دے کر انہیں شامل کیا۔
الپیش ٹھاکور سال 2017 کے اکتوبر میں راہل گاندھی کی قیادت میں کانگریس میں شامل ہوئے تھے۔ وہ رادھن پور حلقہ سے کانگریس کے ٹکٹ پر ایم ایل اے منتخب ہوئے تھے۔
گزشتہ 10 اپریل کو انہوں نے کانگریس پر انہیں اور ان کے ٹھاکور برادری کو دھوکہ دینے کا الزام عائد کرتے ہوئے سبھی عہدوں سے استعفی دے دیا تھا ۔لیکن اس کے باوجود وہ ایم ایل اے کے عہدہ پر تھے۔
5 جولائی کو راجیہ سبھا کی دو سیٹوں پر ہوئے ضمنی انتخابات میں بی جے پی کے حق میں کراس ووٹنگ کرنے کےبعد الپیش اور جھالا نے اسمبلی کی رکنیت سے استعفی دے دیا تھا۔
الپیش چھتریہ ٹھاکور سینا نامی تنظیم کے صدر بھی ہیں جبکہ جھالا بھی اس سے منسلک ہیں۔ تنظیم کی کور کمیٹی نے گزشتہ 15 جولائی کو ہی دونوں کو بی جے پی میں شامل ہونے کی تجویز پر اپنی رضامندی کا اظہار کیا تھا۔
