باغپت: اترپردیش کے ضلع باغپت میں جین برادری کے 'نروان میلے' کے دوران 65 فٹ اونچا اسٹیج گر گیا۔ اس حادثے میں کم سے کم سات عقیدت مندوں کی موت ہو گئی جب کہ 50 سے زائد زخمی ہوگئے۔ کئی زخمیوں کی حالت تشویشناک بتائی جاتی ہے جو مختلف اسپتالوں میں زیر علاج ہیں۔
#WATCH | Uttar Pradesh: A watchtower collapsed during the 'Laddu Mahotsav' organized by the Jain community in Baghpat's Baraut city
— ANI UP/Uttarakhand (@ANINewsUP) January 28, 2025
Over 20 people got injured pic.twitter.com/HgyOqxwmMU
باغپت کے بڑوت میں گاندھی روڈ پر واقع شری دگمبر جین ڈگری کالج کے گراؤنڈ میں منگل کو آدیناتھ کے نروان لڈو فیسٹیول کا انعقاد کیا جا رہا تھا۔ یہاں تقریباً 65 فٹ اونچا اسٹیج بنایا گیا تھا۔ اس پر مورتی نصب کی گئی تھی۔ پروگرام کے دوران لوگ سیڑھیوں سے گزر کر مورتی کو پرساد چڑھانے جا رہے تھے۔ اس دوران عارضی اسٹیج کی لکڑی کی سیڑھیاں ٹوٹ گئیں۔
سیڑھیاں ٹوٹنے کے بعد عقیدت مند ایک دوسرے کے اوپر گرنے لگے۔ اس دوران بڑا المناک منظر دیکھنے کو ملا۔ سب زمین پر بکھرے پڑے تھے اور درد سے کراہ رہے تھے۔ حادثے میں اب تک سات اموات کی تصدیق کی جا چکی ہے جب کہ 50 سے زائد لوگ زخمی ہیں۔ حادثے کی اطلاع ملتے ہی پولیس موقعے پر پہنچ گئی، بڑوت کوتوالی انسپکٹر بھی پہنچے۔ زخمیوں کو فوری طور پر ہسپتال بھیج دیا گیا۔
#WATCH | Uttar Pradesh: Arpit Vijayvargiya, SP Baghpat says, " watchtower collapsed during the 'laddu mahotsav' program of the jain community in baraut. about 20-25 people were injured. 2-3 people are seriously injured, who are undergoing treatment..." https://t.co/2Gix8vk7AH pic.twitter.com/CVEXMtYGPz
— ANI UP/Uttarakhand (@ANINewsUP) January 28, 2025
اس دوران پولیس اہلکاروں نے بھیڑ کو کنٹرول کیا۔ حادثے میں مرنے والے پانچ افراد کی شناخت ہو گئی ہے۔ ان میں باغپت کے امت، اوشا، ترسپال، ونیت اور کملیش شامل ہیں۔ دو مہلوکین کی ابھی تک شناخت نہیں ہو سکی ہے۔ مقامی لوگوں کے مطابق یہ میلہ شہر میں 25 سال سے منعقد ہو رہا ہے۔ پولیس حادثے کی تحقیقات کر رہی ہے۔ میلے کے دوران تقریباً 500 لوگوں کا ہجوم تھا۔
जनपद बागपत में दुर्भाग्यपूर्ण घटना में हुई जनहानि अत्यंत दुःखद है।
— Yogi Adityanath (@myogiadityanath) January 28, 2025
मेरी संवेदनाएं शोक संतप्त परिजनों के साथ हैं।
जिला प्रशासन के अधिकारियों को राहत कार्यों को तेजी से संचालित करने तथा घायलों के समुचित उपचार के निर्देश दिए हैं।
प्रभु श्री राम से प्रार्थना है कि दिवंगत आत्माओं…
ریاست کے وزیر اعلی یوگی آدتیہ ناتھ نے حادثے کا نوٹس لیتے ہوئے ضلع انتظامیہ کے اہلکاروں کو ہسپتال پہنچنے اور زخمیوں کو مناسب علاج فراہم کرنے کی ہدایت دی۔ انہوں نے زخمیوں کی جلد صحت یابی کے لیے پرارتھنا کی۔ دریں اثناء وزیر مملکت برائے جنگلات و ماحولیات کے پی ملک بھی جائے وقوع پر پہنچ گئے اور حادثے کے بارے میں جانکاری لی۔
