لوگ اپنے گھر جانے کا مطالبہ کرتے ہوئے سورت کے علاقے وڑچا میں جمع ہوگئے تھے معاملے کی اطلاع ملنے کے بعد موقع پر پہنچی پولیس لوگوں کو راضی کرنے کے لیے کوشش کرنے لگی ۔
اس تعلق سے ایک مزدور نے کہا کہ وہ اپنے گھر جانا چاہتے ہیں انہیں کھانا نہیں مل رہاہے اور مل بھی رہا ہے تو کچا کھانا ۔بھوک اور پیسے بغیر ان کا جینا دشوار ہو گیا ہے ۔ اگر گاڑی نہیں تو وہ پیدل ہی اپنے گاوں جانے کو تیار ہیں ۔
ملک بھر میں لاک ڈاؤن کے اعلان کے درمیان اتنی بڑی تعداد میں تارکین وطن کا ایک ساتھ باہر نکلنا انتہائی سنجیدہ معاملہ ہے کیوں کہ سورت میں کورونا وائرس سے متاثرہ افراد کی تعداد میں تیزی سے اضافہ ہورہا ہے۔
واضح رہے کہ سورت میں لاک ڈاؤن کی وجہ سے لومز اور کڑھائی کے کارخانے و صنعتی اکائیاں بند ہیں۔ اسی وجہ سے ، یہاں ہزاروں کاریگر بے روزگار ہوگئے ہیں۔ اور اپنے ایک بار پھر لاک ڈاون میں توسیع ہونے سے پریشان حال نظر آ رہے ہیں۔
