عالمی وبا کورونا وائرس کی دوسری لہر پہلے سے کہیں زیادہ مہلک اور خطرناک ثابت ہو رہی ہے۔ گذشتہ کئی دنوں سے نئے مریضوں کی تعداد تین لاکھ سے زیادہ ریکارڈ کی جارہی ہے۔ جبکہ گذشتہ 24 گھنٹے کے دوران ہلاک ہونے والوں کی تعداد 4 ہزر سے تجاوز کرگئی ہے۔
نئے مریضوں کی تعداد میں اضافے کو دیکھتے ہوئے متعدد ریاستوں میں لاک ڈاؤن، جزوی لاک ڈاؤن یا نائٹ کرفیو نافذ ہے۔ اسی طرح جموں و کشمیر کے میں بھی لاک ڈاؤن نافذ ہے، لاک ڈاؤن کے سائے میں رواں برس بھی عیدالفطر کی نماز محلے کی مسجدوں اور گھروں میں ہی ادا کی گئی۔
نماز عیدلفطر میں مصلیاں نے عالمی وبا کورونا وائرس کے خاتمے اور مظلوم فلسطینیوں کے حق میں دعائیں کی۔
واضح رہے کہ پاکستان، افغانستان سمیت جموں و کشمیر میں آج ہی عید الفطر کی نماز ادا کی گئی، جبکہ بھارت، بنگلہ دیش سمیت متعدد ایشیائی ممالک میں عیدالفطر کی نماز جمعہ کے روز ادا کی جائے گی۔
