گزشتہ برس لیفٹینٹ گورنر انتظامیہ نے عوامی مسائل اعلیٰ افسران تک پہنچانے اور انہیں حل کرنے کے لیے ہفتے میں ایک روز بلاک دیوس منعقد کیے جانے کی نوٹیفیکیشن جاری کی تھی۔
بلاک دیوس جموں و کشمیر کے سبھی اضلاع میں منعقد کیا جا رہا ہے۔ منگل کو پہاڑی ضلع ڈوڈہ کے بھلیسہ علاقے میں بھی عوامی شکایات سننے اور انہیں حل کرنے کے لیے بلاک دیوس کا انعقاد کیا گیا۔
بلاک دیوس میں پی آر آئی ممبران، متعدد محکموں کے نامزد افسران / عہدیداران سمیت مقامی باشدوں نے بھی شرکت کی۔
بھلیسہ میں منعقد کیے گئے بلاک دیوس کے موقع پر ایس ڈی ایم گندوہ پریتم لال تھاپا نے ہر بلا ک کا دورہ کرکے مقامی لوگوں سے بھی ملاقات کی۔
انہوں نے عوامی مسائل سننے کے بعد متعلقہ حکام کی جانب سے بروقت کارروائی کیے جانے کی یقین دہانی کی۔
ایس ڈی ایم نے متعلقہ افسران کو بھی ہدایت دی کہ وہ عام لوگوں کے مسائل کو فوری طور پر حل کرنے کے لئے ٹھوس اقدامات اٹھائیں۔
