روڈ ٹرانسپورٹ اور شاہراہ کے وزیر نتن گڈکری نے اپنی حکومت کی گزشتہ مدت کار کے دوران 12 ہزار کروڑ روپے کی لاگت سے چار دھام آل ویدر پروجیکٹ کی تعمیرات کی شروعات کی تھی۔ اس پروجیکٹ کا مقصد اتراکھنڈ کے گنگوتری، یمنوتری، کیدار ناتھ اور بدری ناتھ دھام کے لیے چوڑی سڑک کی تعمیر کرکے ایک ایسا راستہ تیار کرنا ہے جس پر دن رات اور کسی بھی موسم میں آسانی سے یاترا کی جا سکے۔
پروجیکٹ پر ان دنوں تیزی سے کام چل رہا ہے۔ رشی کیش اور اترکاشی کے درمیان چمبا میں ایک ایسی سرنگ تعمیر کی جا رہی ہے جو اتراکھنڈ میں اپنی طرح کی پہلی سرنگ ہوگی۔
زیرتعمیر پروجیکٹ پر چل رہے کام کے جائزہ کے لیے جمعرات کو دہرہ دون پہنچیں گے۔ اس کے بعد راوت اور سنگھ تین دن تک گنگوتری اور یمنوتری دھام کو رشی کیش سے جوڑنے والے راستہ کا نریندر نگر، چمبا، چنیالی سوڈ، دھراسو، بڑکوٹ، جانکی چٹی ہوتے ہوئے اترکاشی پہنچیں گے۔
راوت اور سنگھ 21 فروری کو سری نگر میں حکام کے ساتھ میٹنگ کرکے کیدارناتھ اور بدری ناتھ کو جوڑنے والے روڈ پر چل رہے تعمیراتی کام کا جائزہ لیں گے۔ اولی میں رات کو آرام کرنے کے بعد اگلے دن دہرہ دون پہنچیں گے۔ دونوں رہنما ریاستی حکومت کے ہیلی کاپٹر سے سفر پر جائیں گے۔
