اس وقت نہ صرف دہلی بلکہ پوری دنیا کورونا وائرس کی وبا سے پریشان ہے، لاک ڈاؤن کے نافذ ہوتے ہی غریب عوام کو جس طرح سے دقتوں کا سامنا کرنا پڑ رہا ہے اس سے سبھی واقف ہیں۔
اس طرح کی صورتحال سے نمٹنے کے لیے دارالحکومت دہلی کے صدر بازار علاقے میں رہنے والے چند نوجوانوں نے مورچہ سمبھالتے ہوئے ضرورتمندوں کی بھوک مٹانے کا انتظام کیا ہے۔
یہاں مختلف مذاہب سے تعلق رکھنے والے یہ چند نوجوان منظم طور سے ضرورت مند و بے سہارا لوگوں کے لیے روٹی کا انتظام کرتے ہیں۔
جب قومی سطح پر کورونا وائرس کی وجہ سے لاک ڈاؤن نافذ کیا گیا اس وقت سے ہی ان نوجوانوں نے ضرورتمندوں کے طعام کی ذمہ داری اپنے کاندھوں پر لے لی تھی اور ان کا یہ عزم ہے کہ جب تک لاک ڈاؤن جاری رہے گا تب تک ان کی خدمات بھی جاری رہیں گی۔
صدر بازار کی پان منڈی سے شروع ہوئی اس رسوئی سے اب تک 20 ہزار افراد اپنا پیٹ بھر چکے ہیں جن میں دیہاڑی دار مزدوروں کے ساتھ ساتھ آس پاس رہنے والے غریب و مسکین بھی شامل ہیں۔
