بی جے پی۔آر ایس ایس آئینی حقوق کو کچل رہے ہیں: کھڑگے

ملک بھر میں 26 نومبر کو قومی یوم آئین منایا جاتا ہے۔ اس ضمن میں ملک بھر میں مختلف تقاریب منعقد کی جاتی ہیں۔ Mallikarjun Kharge on Constitution Day 2023

نئی دہلی:کانگریس صدر ملکارجن کھڑگے نے آئین کو ہندوستانی جمہوریت کی شہ رگ قرار دیتے ہوئے کہا ہے کہ بھارتیہ جنتا پارٹی (بی جے پی) اور راشٹریہ سویم سیوک سنگھ (آر ایس ایس) ملک کے لوگوں کے آئینی حقوق کو کچل رہے ہیں۔ کانگریس صدر کھڑگے نے آج یوم آئین کے موقع پر اپنے پیغام میں کہا ’’ہندوستان کا آئین ہماری جمہوریت کی شہ رگ ہے۔ ہم 74 واں یوم آئین مناتے ہوئے اس کے معماروں کے شکر گزار ہیں اور ان کے تئیں انتہائی عقیدت پیش کرتے ہیں - کیونکہ انہوں نے ہمارے آئین میں ہر ہندوستانی کے سماجی، اقتصادی اور سیاسی حقوق کی ضمانت دی ہے۔‘‘

انہوں نے کہا کہ ’’ان گارنٹیوں کے باوجود آج ہمارے آئین کی روح کے سامنے بہت سے چیلنج کھڑے ہو گئے ہیں اور لوگ ان چیلنجوں کا سامنا کر رہے ہیں۔ ملک کی موجودہ حکومت آئین میں دی گئی تمام آزادیوں کو کچلنے اور سلب کرنے کے لیے ہر ممکن قدم کر رہی ہے۔ اختلاف رائے کو دبایا جا رہا ہے اور اداروں کو آمرانہ نظام مسلط کرنے کے کھیل میں مہرہ بنایا جا رہا ہے۔ یہی نہیں بلکہ سماجی تبدیلیوں کی آڑ میں ذہنوں میں نفرت بھی بھری کی جا رہی ہے۔

• The Constitution of India is the lifeline of our Democracy.
  
  As we observe and celebrate the 74th Constitution Day, we bow in utmost reverence to its makers — for they guaranteed the social, economic and political rights of every Indian.
  
  Today, the spirit of our Constitution,… pic.twitter.com/yyHtaNNlSY

  — Mallikarjun Kharge (@kharge) November 26, 2023 " class="align-text-top noRightClick twitterSection" data="

  The Constitution of India is the lifeline of our Democracy.
  
  As we observe and celebrate the 74th Constitution Day, we bow in utmost reverence to its makers — for they guaranteed the social, economic and political rights of every Indian.
  
  Today, the spirit of our Constitution,… pic.twitter.com/yyHtaNNlSY

  — Mallikarjun Kharge (@kharge) November 26, 2023

  ">

  The Constitution of India is the lifeline of our Democracy.
  
  As we observe and celebrate the 74th Constitution Day, we bow in utmost reverence to its makers — for they guaranteed the social, economic and political rights of every Indian.
  
  Today, the spirit of our Constitution,… pic.twitter.com/yyHtaNNlSY

  — Mallikarjun Kharge (@kharge) November 26, 2023

ملکارجن کھڑگے نے کہا کہ ’’آر ایس ایس- بی جے پی آئین پر منظم اور سخت حملہ کرنے کے لئے سرکاری مشینری کے ہر نٹ اینڈ بولٹ کا بڑے پیمانے پر غلط استعمال کر رہی ہے۔ ایسا لگتا ہے کہ ہم جلد ہی اس اہم مقام پر پہنچ جائیں گے جہاں سماجی انصاف اور ہم آہنگی ختم ہو جائے گی اور کمزور طبقات کے حقوق آہستہ آہستہ چھین لیے جائیں گے۔ یہ تقسیم اور نفرت کی اس سیاست کے خلاف اٹھ کھڑے ہونے کا وقت ہے۔

انہوں نے کہا کہ ’’کانگریس یہ لڑائی آگے بڑھ کر لڑ رہی ہے۔ پارٹی لیڈر راہل گاندھی نے امن، اتحاد، ہم آہنگی اور ہمدردی کا پیغام پھیلانے کے لیے بھارت جوڑو یاترا کی قیادت کی۔ اس کی یاترا زیادہ سے زیادہ لوگوں، زیادہ ریاستوں اور سماج کے تمام طبقات تک پہنچنے کے لیے جاری ہے۔ آئین اور اس کی اقدار پر حملے کے بارے میں ہر شہری کو سوال اٹھانا چاہیے۔ ہم بغیر کسی خوف کے اپنی جمہوریت کے لئے لڑنے اور اس کی حفاظت کرنے کے اہل ہیں۔ آج کا دن ہمارے قائدین سے ترغیب لینے کا ہے جنہوں نے انگریزوں کے خلاف بے خوفی سے جنگ لڑی۔

کانگریس لیڈر نے کہا کہ “ہم پنڈت جواہر لال نہرو، بابا صاحب ڈاکٹر بی آر امبیڈکر، سردار ولبھ بھائی پٹیل، مولانا ابوالکلام آزاد، ڈاکٹر راجیندر پرساد، کے ایم منشی، سروجنی نائیڈو، اے کرشنامورتی ایر، راجکماری امرت کور اور دیگر سرکردہ رہنماؤں اور عظیم لوگوں کو اس دن یاد کرتے ہیں۔ ہم ان کی دور اندیشی اور حکمت کے مقروض ہیں۔‘‘

یو این آئی