بس حادثے میں 13 افراد ہلاک، 30 سے زائد زخمی

میکسیکو صوبہ چہواہوا میں جمعرات کو مسافر بردار ایک بس پل کے بیم سے جا ٹکرائی جس سے کم از کم 13 افراد کی موت ہو گئی اور 30 سے زائد زخمی ہو گئے۔

اے ڈی این 40 براڈکاسٹر کے مطابق یہ حادثے دیلسیاس سوسيلو شاہراہ پر پیش آیا۔

مقامی میڈیا کی مختلف رپورٹوں کے مطابق عینی شاہدین نے بتایا کہ بس پل کے بیم سے ٹکرا جانے کے بعد پلٹ گئی۔

جس کی وجہ سے بس میں سوار مسافر شدید زخمی ہو گئے۔

ٹکر اتنی شدید تھی کہ 10 افراد کی موقع پر ہی موت ہو گئی جبکہ 32 افراد کو اسپتال میں داخل کرایا گیا ۔ جس کے بعد تین افراد کی اسپتال میں موت ہو گئی۔