کانپور: بھارت اور بنگلہ دیش کے درمیان دو ٹیسٹ میچوں کی سیریز کا دوسرا ٹیسٹ میچ 27 ستمبر سے کانپور کے گرین پارک اسٹیڈیم میں شروع ہوگا۔ جو گرین پارک پر 24واں اٹرنیشنل ٹیسٹ میچ ہوگا۔ اب تک ٹیم انڈیا نے گرین پارک اسٹیڈیم میں کل 23 ٹیسٹ میچ کھیلے ہیں۔ جبکہ بنگلہ دیش پہلی بار اس گراونڈ پر بھارت کا سامنا کرے گی۔
اگر ہم گرین پارک اسٹیڈیم میں ٹیم انڈیا کے ریکارڈ کی بات کریں تو یہاں 13 ٹیسٹ میچ ڈرا رہے ہیں اور 7 ٹیسٹ میچوں میں بھارت کو کامیابی ملی ہے۔ جبکہ 3 میچوں میں شکست کا بھی سامنا کرنا پڑا ہے۔ اس گراؤنڈ پر آخری ٹیسٹ میچ تقریباً 3 سال قبل 2021 میں بھارت اور نیوزی لینڈ کے درمیان ہوا تھام جو ڈرا رہا تھا۔
ٹیم انڈیا تقریباً 41 سال پہلے اس گراؤنڈ پر اپنا آخری ٹیسٹ میچ ہاری تھی۔ جب 21 اکتوبر 1983 کو ویسٹ انڈیز نے بھارت کو اننگز اور 83 رنز سے شکست دینے میں کامیاب رہا۔
📍 Kanpur#TeamIndia hit the ground running ahead of the 2nd #INDvBAN Test 🙌@IDFCFIRSTBank pic.twitter.com/EMPiOa8HII
— BCCI (@BCCI) September 26, 2024
گرین پارک اسٹیڈیم کے ڈپٹی ڈائریکٹر آر این سنگھ نے بتایا کہ اس اسٹیڈیم میں ہونے والے ہندوستان اور بنگلہ دیش کے درمیان دوسرے ٹیسٹ میچ میں اسٹار کرکٹر ویرات کوہلی صرف 35 رنز بنا کر 27000 بین الاقوامی رنز کا ریکارڈ بنا سکتے ہیں۔
اس کے ساتھ ہی وہ اب تک کل 993 چوکے لگا چکے ہیں۔ صرف 7 باؤنڈریز لگا کر وہ 1000 باؤنڈری مکمل کرنے والے 5ویں ہندوستانی بلے باز بھی بن سکتے ہیں۔ اسی طرح اگر کے ایل راہل 99 رنز بنا لیتے ہیں تو وہ ٹیسٹ میں 3000 رنز بنانے والے بلے بازوں کے کلب میں شامل ہو جائیں گے۔
گرین پارک اسٹیڈیم میں ٹیم انڈیا کے میچوں کا ریکارڈ
12 جنوری 1952 انگلینڈ نے بھارت کو آٹھ وکٹوں سے شکست دی۔
12 دسمبر 1958 ویسٹ انڈیز نے بھارت کو 203 رنز سے شکست دی۔
19 دسمبر 1959 بھارت نے آسٹریلیا کو 119 رنز سے شکست دی۔
16 دسمبر 1960 کو پاکستان اور بھارت کے درمیان کھیلا جانے والا ٹیسٹ میچ ڈرا رہا تھا۔
یکم دسمبر 1961 کو بھارت اور انگلینڈ کے درمیان کھیلا جانے والا ٹیسٹ میچ ڈرا رہا تھا۔
15 فروری 1964 کو ہندوستان اور انگلینڈ کے درمیان کھیلا گیا ٹیسٹ میچ ڈرا رہا تھا۔
15 نومبر 1969 کو بھارت اور آسٹریلیا کے درمیان کھیلا جانے والا ٹیسٹ میچ ڈرا رہا تھا۔
25 جنوری 1973 کو بھارت اور انگلینڈ کے درمیان کھیلا گیا ٹیسٹ میچ ڈرا رہا تھا۔
18 نومبر 1976 کو بھارت اور نیوزی لینڈ کے درمیان کھیلا جانے والا ٹیسٹ میچ ڈرا رہا تھا۔
02 فروری 1979: بھارت اور ویسٹ انڈیز کے درمیان کھیلا جانے والا ٹیسٹ میچ ڈرا رہا تھا۔
02 اکتوبر 1979 کو بھارت نے آسٹریلیا کو 153 رنز سے شکست دی۔
25 دسمبر 1979 کو بھارت اور پاکستان کے درمیان کھیلا جانے والا ٹیسٹ میچ ڈرا رہا تھا۔
30 جنوری 1982 کو بھارت اور انگلینڈ کے درمیان کھیلا جانے والا ٹیسٹ میچ ڈرا رہا تھا۔
21 اکتوبر 1983 ویسٹ انڈیز نے بھارت کو اننگز اور 83 رنز سے شکست دی۔
31 جنوری 1985 کو بھارت اور انگلینڈ کے درمیان کھیلا گیا ٹیسٹ میچ ڈرا رہا تھا۔
17 دسمبر 1986 کو بھارت اور سری لنکا کے درمیان کھیلا گیا ٹیسٹ میچ ڈرا رہا تھا۔
08 دسمبر 1996 بھارت نے جنوبی افریقہ کو 280 رنز سے شکست دی۔
22 اکتوبر 1999 ہندوستان نے نیوزی لینڈ کو آٹھ وکٹوں سے شکست دی۔
20 نومبر 2004 کو بھارت اور جنوبی افریقہ کے درمیان کھیلا جانے والا ٹیسٹ میچ ڈرا رہا تھا۔
11 اپریل 2008 بھارت نے جنوبی افریقہ کو آٹھ وکٹوں سے شکست دی۔
24 نومبر 2009 بھارت نے سری لنکا کو اننگز اور 144 رنز سے شکست دی۔
22 ستمبر 2016 کو بھارت نے نیوزی لینڈ کو 197 رنز سے شکست دی۔
25 نومبر 2021 کو بھارت اور نیوزی لینڈ کے درمیان ہونے والا ٹیسٹ میچ ڈرا رہا تھا۔
