نئی دہلی: کانگریس کے صدر ملکارجن کھڑگے نے سابق صدر سرو پلی رادھا کرشنن کو ان کے یوم پیدائش پر خراج عقیدت پیش کرتے ہوئے کہا کہ اساتذہ ہمارے حقیقی قوم کے معمار اور اخلاقی اقدار کے علمبردار ہیں غورطلب ہے کہ ڈاکٹر رادھا کرشنن کے یوم پیدائش کو یوم اساتذہ کے طور پر منایا جاتا ہے۔ کھڑگے نے کہا، ”آج ہم یوم اساتذہ مناتے ہیں اور عظیم فلسفی، ماہر تعلیم اور مصنف سرو پلی رادھا کرشنن کو یاد کرتے ہیں۔ اساتذہ ہی قوم کے حقیقی معمار ہیں۔ وہ نہ صرف ہمارے رہنما ہیں بلکہ اچھی اقدار کے علمبردار اور اخلاقی ضمیر کے محافظ بھی ہیں۔ یوم اساتذہ پر، ہم ملک بھر کے تمام اساتذہ کو سلام پیش کرتے ہیں کیونکہ وہی ہمارے مستقبل کی تقدیر کا تعین کریں گے۔“
انہوں نے کہا، ”ہندوستان کے سابق صدر ڈاکٹر ایس رادھا کرشنن کو ہماری عاجزانہ خراج عقیدت۔ وہ ایک فلسفی اور مدبر تھے جن کی شراکت، لگن اور دانشمندی ہمیں نسل در نسل متاثر کرتی رہتی ہے۔ ان کی کتابیں ’دی ہندو ویو آف لائف، انڈین فیلوسافی، ایسٹرن ریجیلینس اینڈ ویسٹرن تھاٹ، دی بھگود گیتا، دھما پادا اور دی پرنسپل اپنشد جیسی کتابیں سدابہار کلاسک ہیں۔ کسی بھی طرح سے سیاسی شخصیت نہ ہونے کی وجہ سے، رادھا کرشنن کو نہرو نے 1949-52 کے دوران اس وقت کے سوویت یونین-یو ایس ایس آر میں ہندوستان کا سفیر بننے پر آمادہ کیا، جب کمیونسٹ گروپ ہندوستان کو شک کی نگاہ سے دیکھتا تھا۔ بعد میں وہ 1952-62تک ہندوستان کے پہلے نائب صدر اور پھر 1967 تک صدر رہے۔“
کھڑگے نے کہا، ”ان کے بیٹے، نامور تاریخ دان سرو پلی گوپال نے کسی بھی عظیم شخصیت کی بہترین سوانح عمری لکھی۔کتاب میں انہوں نے لکھا ’ریٹائرمنٹ‘کے بعد انھوں نے عوامی پلیٹ فارم کو شیئر نہ کرنے کا فیصلہ کیا۔ مختلف موضوعات پر غیر ذمہ داری سے بات کرنے جیسے تھکا دینے والے کام کرنے کے بجائے، وہ کھیتی باڑی، فلسفیانہ موضوعات پر کتابیں پڑھنے اور لکھنے میں وقت صرف کرتے ہیں … آخر کار 17 اپریل 1975 کی صبح رادھا کرشنن نے اس دنیا کو الوداع کہہ دیا۔
یہ بھی پڑھیں: یوم اساتذہ پر خصوصی رپورٹ: ٹیچرس ڈے کا تاریخی پس منظر
انہوں نے کہا، ”اتفاق سے، اس کی پوتی گرجا اور اس کے سابق آئی اے ایس شوہر ویراراگھون کوڈائی کنال میں کاشتکاری کرتے ہیں اور وہ ہندوستان میں گلاب کے سب سے مشہور کسان ہیں۔ انہوں نے اپنی آدھی زندگی برصغیر میں گلاب کی مختلف اقسام کے تحفظ کے لیے وقف کر رکھی ہے۔ فلمز ڈویژن کی طرف سے برسوں پہلے ان پر بنائی گئی دستاویزی فلم بھی دیکھنے کے لائق ہے۔“
یو این آئی۔
