چھتیس گڑھ میں موسلا دھار بارش

چھتیس گڑھ کے متعدد اضلاع میں موسلا دھار بارش ہو رہی ہے۔

بیجاپور میں بھی لگاتار بارش ہو رہی ہے جس کی وجہ سے ندی خطرے کے نشان سے اوپر بہہ رہی ہے۔ کہیں مکانات کو نقصان پہنچ رہا ہے تو کہیں ٹریفک جام ہے۔ بیجاپور کے 50 سے زیادہ دیہات، ضلعی ہیڈ کوارٹر سے کٹ گئے ہیں۔

مینگاچل، بنگاپال میں پل کے اوپر پانی ہونے سے راستے بند ہیں۔ تومنار پل میں پل کے اوپر سے پانی ہونے سے لوگوں کو مشکلات کا سامنا کرنا پڑرہا ہے۔وہیں راستے بھی بند ہیں۔

بارش کی وجہ سے ندی نالے خطرے کے نشان سے اوپر بہہ رہے ہیں۔ حالات کو قابو میں کرنے کے لیے دو تا چار دن لگ سکتا ہے۔

محکمۂ موسمیات نے ریاست کے کئی اضلاع میں اورینج اور ریڈ الرٹ جاری کیا ہے۔