قومی دارالحکومت دہلی کی سرحدوں پر تین ہفتوں سے کسانوں کی تحریک جاری ہے اور آج احتجاج کا 23 واں دن ہے جبکہ ٹھنڈی کی اس صورتحال میں کسانوں سمیت عام لوگوں کو بہت ساری پریشانیوں کا سامنا ہے۔
اس ضمن میں ماہرین کا کہنا ہے کہ اس تحریک کی وجہ سے کورونا معاملات میں نمایاں کمی ریکارڈ کی گئی ہے۔
کسانوں کی طرف سے جاری اس تحریک کو دیکھتے ہوئے اگر ماہرین کی مانیں تو یہ دہلی کے لیے کسی وردان سے کم نہیں ہے۔ کیوںکہ ان ماہرین کا کہنا ہے کہ کسانوں کی اس احتجاجی تحریک نے کورونا کے پھیلاؤ کا سلسلہ توڑ دیا ہے جس کی وجہ سے نئے آنے والے کیسز میں کمی درج کی گئی ہے۔
واضح رہے کہ پچھلے کچھ دنوں میں دہلی میں کورونا اور روزانہ اموات کے نئے واقعات کی تعداد میں تیزی سے کمی واقع ہوئی ہے جبکہ نہ تو دوائیں آئی ہیں اور نہ ہی دہلی کے لوگوں نے اپنی عادات کو تبدیل کیا ہے جبکہ لوگ ابھی بھی ماسک کے بغیر گھر سے نکل رہے ہیں، پھر یہ کیسے ہوا؟
کووڈ-19 کے لیے دہلی کے مختص ہسپتال راجیو گاندھی سپر سپیشلٹی کے نوڈل آفیسر ڈاکٹر اجیت جین کا خیال ہے کہ کسانوں کی تحریک کی وجہ سے یہ کمی آئی ہے۔
انہوں نے کہا کہ کسانوں نے تقریباً تمام دہلی کی سرحدوں کو بند کردیا ہے اور دہلی کو ایک کنٹینر زون بنا دیا ہے جس کی وجہ سے کورونا انفیکشن سے متاثر وہنے والوں کی چین کو توڑ دیا ہے۔
ڈاکٹر جین کا خیال ہے کہ دہلی میں اب تک کیے گئے سروے کے مطابق آبادی کا ایک چوتھائی حصہ ایمینون ہوچکا ہے۔ اگر آپ انفیکشن کے بہت کم خطرہ والے لوگوں کی فیصد کو شامل کرتے ہیں تو یہ تقریباً تین چوتھائی ہوجاتا ہے اور اسے ہی ہرڈ ایمیون کہتے ہیں، جس نے کورونا کی چینتوڑ دی ہے۔
ان کا دعویٰ یہاں تک ہے کہ اگر سارس اور مارس نے کوئی بڑی غلطی نہیں یہ اس وائرس بھی خود ہی ختم ہوسکتا ہے۔
