سوشل میڈیا پر کانگریس سمیت متعدد اپوزیشن جماعتیں آج اجتماعی طور پر ’بے روزگاری دیوس‘ منا رہی ہیں اور مسٹر گاندھی نے بھی اس موقع پر مسٹر مودی کو نشانہ بنایا اور کہا کہ روزگار لوگوں کے لیے عزت و احترام کے مترادف ہے، آخر کب تک حکومت روزگار دینے سے پیچھے ہٹے گی۔
اس سے قبل کانگریس کے سابق صدر راہل گاندھی نے ٹوئٹر پر مسٹر مودی کو ان کی سالگرہ پر مبارکباد دی تھی۔
مسٹر گاندھی نے مزید کہا کہ ’یہی وجہ ہے کہ ملک کے نوجوان آج 'قومی بے روزگاری دیوس' منانے پر مجبور ہیں۔ روزگار عزت و احترام کے مترادف ہے۔ حکومت کب تک یہ عزت دینے سے پیچھے ہٹے گی۔
مسٹر گاندھی نے ایک اخباری رپورٹ بھی اپ لوڈ کی ہے، جس میں دعویٰ کیا گیا ہے کہ ملک میں ایک کروڑ سے زیادہ افراد بے روزگار ہیں جبکہ سرکاری نوکریوں میں صرف چند لاکھ جگہ خالی ہیں۔
