ہفتہ کو یہاں جاری ایک بیان میں مسٹر گاندھی نے کہا کہ حکومت کووڈ-19 کے خلاف ایسے انداز میں ”انتہائی منظم طریقے” سے کام کر رہی ہے جس سے ملک میں عوام کی پریشانی بڑھ رہی ہے اور غریب لوگوں کا جینا مشکل ہوگیا ہے۔
مزید پڑھیں:’کویکسن‘ کا جانوروں پر کامیاب تجربہ
حکومت کی پالیسیاں ملک کی جی ڈی پی میں تاریخی زوال کا باعث بنی ہیں اور 12 کروڑ سے زیادہ لوگ بے روزگار ہوچکے ہیں۔
اس لڑائی کا نتیجہ یہ ہے کہ آج ہندوستان میں کورونا سے متاثر مریضوں کی تعداد دنیا میں ہر دن سب سے زیادہ مل رہی ہے۔
مسٹر گاندھی نے ٹوئٹ کیا کہ کووڈ-19 کے خلاف مودی سرکار کی ’منصوبہ بند لڑائی‘ نے بھارت کو پریشانی میں دھکیل دیا اور جی ڈی پی میں تاریخی 24 فیصد کمی کا سبب بنی، 12 کروڑ ملازمتیں گئیں، 15.5 اور 1 لاکھ کروڑ روپے کے اضافی دباؤ والا قرض ہے۔
دنیا میں سب سے زیادہ یومیہ کیسز بھارت میں ہی بڑھ رہے ہیں، اموات بھی سب سے زیادہ یہیں ہو رہی ہیں لیکن حکومت ہند اور میڈیا کا کہنا ہے کہ ’سب چنگا سی‘۔
