ذرائع کے مطابق ارون جیٹلی کی حالت 'نازک' ہے اور وہ نو اگست سے ہی ایمس کے آئی سی یو میں داخل ہیں۔ ایمس کے ذرائع نے بتایا کہ صدر رام ناتھ کووند کے ساتھ مرکزی وزیر صحت ہرش وردھن اور صحت کے وزیر مملکت اشونی چوبے بھی موجود تھے۔
جیٹلی کی صحت کے سلسلے میں ایمس سے نو اگست کو ایک بیان جاری کیا گیا تھا۔ اس کے بعد سے ایمس کی جانب سے جیٹلی کی صحت کے بارے میں کوئی اطلاع نہیں دی گئی ہے۔
ذرائع کا کہنا ہے کہ جیٹلی کے پھیپھڑوں میں پانی جمع ہوجانے سے انہیں سانس لینے میں تکلیف ہو رہی ہے اس لیے انہیں وینٹی لیٹر پر رکھا گیا ہے۔
نائب صدر وینکیا نائیڈو بھی جیٹلی کی خیریت معلوم کرنے ایمس گئے تھے۔ اس سے پہلے وزیر اعظم نریندر مودی اور وزیر داخلہ امت شاہ کے علاوہ متعدد رہنما بھی ان کی خیریت معلوم کرنے کے لیے ایمس گئے تھے۔
مسٹرجیٹلی کے گردے کی پیوند کاری ہوچکی ہے۔ وہ ذیابیطس کے مریض ہیں۔
ذرائع کے مطابق سابق وزیر خزانہ کو سافٹ ٹشو سرکوما بھی ہے جو ایک طرح کا کینسر ہوتا ہے۔
