دہلی میں پٹرول کی قیمت 99 روپے، چنئی میں 100 روپے فی لیٹر

آئل مارکیٹنگ کمپنیوں نے آج ایک بار پھر پٹرول اور ڈیزل کی قیمتیں بڑھا دی، جس سے دہلی میں پٹرول کی قیمت 99 روپے فی لیٹر اور چنئی میں 100 روپے فی لیٹر پہنچ گئی ہے۔ اس سے قبل پیر کو قیمتوں میں کوئی تبدیلی نہیں کی گئی تھی۔

ملک کے چار بڑے میٹرو میں منگل کے روز پٹرول 35 پیسے اور ڈیزل 30 پیسے مہنگا ہوا۔ آئل مارکیٹنگ کمپنی انڈین آئل کارپوریشن کے مطابق دہلی میں پٹرول کی قیمت 35 پیسے بڑھ کر 98.81 روپے اور ڈیزل کی قیمت 28 پیسے اضافے کے ساتھ 89.18 روپے فی لیٹر کی اعلی سطح پر پہنچ گئی ہے۔

دہلی میں ماہ جون میں اب تک پٹرول کی قیمت میں 4.58 روپے اور ڈیزل کی قیمتوں میں 4.03 روپے کا اضافہ ہوچکا ہے۔ اس سے قبل مئی میں پٹرول 3.83 روپے اور ڈیزل 4.42 روپے مہنگا ہوا تھا۔

دہلی میں پٹرول کی قیمت 99 روپے ، چنئی میں 100 روپے فی لیٹر

ممبئی میں پٹرول کی قیمت میں 34 پیسے اور ڈیزل کی قیمت میں 30 پیسے کا اضافہ ہوا۔ وہاں اب ایک لیٹر پٹرول کی قیمت 104.90 اور ڈیزل کی قیمت 96.72 روپے ہے جو اب تک کی ریکارڈ سطح ہے۔

چنئی اور کولکاتہ میں پٹرول 31 ۔ 31 پیسے مہنگا ہوکر بالترتیب 99.80 روپے اور 98.64 روپے فی لیٹر ہوگیا جبکہ ڈیزل کی قیمت چنئی میں 26 پیسے بڑھ کر 93.72 روپے فی لیٹر اور کولکاتہ میں 28 پیسے اضافے کے بعد 92.03 روپے فی لیٹر ہوگئی۔

واضح رہے کہ پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنا پر روزانہ صبح 6 بجے سے نئی قیمتوں پر عمل درآمد ہوتا ہے۔

آج ملک کے چار میٹرو میں پٹرول اور ڈیزل کی قیمتیں کچھ اس طرح تھیں۔

شہر کا نام ۔۔۔۔۔۔۔۔۔۔۔۔۔۔۔۔ پیٹرول ۔۔۔۔۔۔۔۔۔۔۔۔۔۔۔۔ ڈیزل

دہلی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 98.81 ۔۔۔۔۔۔۔۔۔۔۔۔۔۔ 89.18

ممبئی ۔۔۔۔۔۔۔۔۔۔۔۔۔۔۔۔۔۔۔۔ 104.90 ۔۔۔۔۔۔۔۔۔۔۔۔۔ 96.72

چنئی ۔۔۔۔۔۔۔۔۔۔۔۔۔۔۔۔۔۔۔۔۔۔۔ 99.80 ۔۔۔۔۔۔۔۔۔۔۔۔۔۔۔ 93.72

کولکاتا ۔۔۔۔۔۔۔۔۔۔۔۔۔۔۔۔۔۔۔۔۔ 98.64 ۔۔۔۔۔۔۔۔۔۔۔۔۔۔ 92.03

یو این آئی