قومی دارالحکومت دہلی میں اردو ڈیولپمنٹ آرگنائزیشن اور یونائیٹڈ مسلم آف انڈیا کے زیراہتمام علامہ اقبال کی یوم پیدائش کے موقع پر ہر برس یوم اردو کی مناسبت سے ایک تقریب منعقد کی جاتی ہے جس میں ملی و سماجی شخصیات کو ان کی گراں قدر خدمات کے لیے ایوارڈ سے سرفراز کیا جاتا ہے۔
خیال رہے کہ علامہ اقبال کی یوم پیدائش کی تاریخ نو نومبر کے روز منائی جاتی ہے۔
واضح رہے کہ دنیا بھر میں سنہ 1997 سے مسلسل ان کے چاہنے والے اس دن کو جشن کے طور پر مناتے آ رہے ہیں، ایسے ہی دہلی کی ایک تنظیم بھی اس دن ایک ایوارڈ تقسیم تقریب کا انعقاد کرتی رہی ہے، جو ہر برس ملی و سماجی شخصیات کو ایوارڈ دیکر ان کی خدمات کی حوصلہ افزائی کرتی ہے۔
اسی طرح رواں برس بھی اردو ڈیولپمنٹ آرگنائزیشن اور یونائیٹڈ مسلم آف انڈیا کی جانب سے دہلی اقلیتی کمیشن کے سابق چیئرمین ڈاکٹر ظفرالاسلام خان کو لائف ٹائم اچیومنٹ ایوارڈ دینے کا فیصلہ کیا گیا ہے۔
ڈاکٹر سید احمد نے بتایا کہ ڈاکٹر ظفرالاسلام خان کے نام کا انتخاب پروفیسر عبد الحق کی صدارت میں منعقدہ میٹنگ میں کیا گیا، جہاں اس بات کا بھی اعتراف کیا گیا کہ جس طرح سے ڈاکٹر ظفرالاسلام خان نے دہلی اقلیتی کمیشن میں اپنی خدمات انجام دی ہے، اس سے پہلے کسی بھی چئیرمین نے نہیں دی۔
