جہانگیر پوری میں تشدد کے بعد سامنے آنے والی غیر قانونی تجاوزات کی تصویروں کو لے کر ایک بڑے تنازع کے درمیان آج میونسپل کارپوریشن جہانگیر پوری میں بڑے پیمانے پر غیر قانونی تجاوزات کو ہٹانے کی کارروائی کر رہی ہے۔ اس معاملے پر نارتھ ایم سی ڈی کے میئر راجہ اقبال سنگھ نے کہا کہ جہانگیر پوری میں کارپوریشن کی جانب سے غیر قانونی تجاوزات کے خلاف سخت کارروائی کی جا رہی ہے۔ اس وقت صرف اور صرف غیر قانونی طور پر بنائی گئی کباڑ کی دکانوں کو ہٹایا جا رہا ہے۔ سپریم کورٹ کے احکامات کے حوالے سے میئر نے کہا کہ ہم عدالت کے احکامات کا احترام کرتے ہیں اور ان پر عمل کیا جا رہا ہے۔ اب تک صرف ناجائز تجاوزات کے خلاف کارروائی کی گئی ہے۔ North MCD Mayor Raja Iqbal Singh on Anti Encroachment Drive
- یہ بھی پڑھیں: Jahangirpuri Violence: جہانگیر پوری تشدد معاملہ میں پانچ ملزمان پر لگا این ایس اے ایکٹ
بی جے پی کی حکمرانی والی شمالی دہلی میونسپل کارپوریشن نے "غیر قانونی قبضہ ہٹانے کا ایکشن پروگرام" طے کیا ہے، جس کے تحت جہانگیر پوری کے علاقے میں بدھ اور جمعرات (20-21 اپریل) کو غیر قانونی تعمیرات ہٹائی جائیں گی۔جہانگیرپوری وہی علاقہ ہے جہاں فریقین کے درمیان مذہبی جلوس کے دوران گذشتہ ہفتہ تشدد ہوا تھا۔این ڈی ایم سی نے مہم کے دوران "امن و امان کو برقرار" کے لیے دہلی پولیس سے 400 اہلکاروں کو بھی طلب کیا ہے۔NDMC to Launch two-Day Anti-Encroachment Drive in Jahangirpuri
شمال مغربی ڈپٹی کمشنر آف پولیس کو لکھے ایک خط میں این ڈی ایم سی نے کہاکہ "خصوصی مشترکہ تجاوزات ہٹانے کا ایکشن پروگرام جس میں پبلک ورکس ڈیپارٹمنٹ، لوکل باڈی، پولیس اور ورکس/مینٹیننس ڈپارٹمنٹ، محکمہ صحت، محکمہ صفائی، نارتھ ڈی ایم سی کے ویٹرنری ڈپارٹمنٹ اور انفورسمنٹ سیل کو جہانگیری پوری علاقے میں مقرر کیا جانا ہے۔ "اس لیے آپ سے درخواست کی جاتی ہے کہ تجاوزات ہٹانے کی کارروائی کے دوران امن و امان برقرار رکھنے کے لیے کم از کم 400 پولیس اہلکار بشمول لیڈی پولیس/ آؤٹر فورس فراہم کریں۔16 اپریل کو دہلی کے جہانگیر پوری میں ایک مذہبی جلوس کے دوران دو گروپوں کے درمیان جھگڑا ہوا تھا جس میں آٹھ پولیس اہلکار اور ایک عام شہری سمیت نو افراد زخمی ہوئے تھے۔
