شرجیل امام تین مارچ تک عدالتی تحویل میں

جامعہ تشدد معاملہ میں گرفتار شرجیل امام کو دہلی کے ساکیت کورٹ نے 3 مارچ تک کے لئے عدالتی تحویل میں بھیج دیا ہے۔

واضح رہے کہ آج شرجیل امام کی عدالتی تحویل کی مدت ختم ہورہی تھی ۔ جس کے بعد پولیس نے انہیں چیف میٹروپولیٹن مجسٹریٹ گرموہنا کور کی عدالت میں پیش کیا ۔

واضح رہے کہ شرجیل امام پر تشدد بھڑکانےکا الزام عائد ہے ۔ شرجیل امام کو شاہین باغ میں قابل اعتراض بیان دینے کے معاملہ میں بہار کے جپان آباد سے گرفتار کیا گیا تھا ۔

گذشتہ 12 فروری کو شاہین باغ میں قابل اعتراض بیان دینے کے معاملے شرجیل امام کو 14 دنوں کی عدالتی تحویل میں بھیجا گیا تھا ۔

پولیس کے مطابق جامعہ معاملہ کے جانچ کے دوران ایک ملزم نے کہا کہ وہ نے شرجیل امام کے بیان سے متاثر ہوکر تشدد کے واقعہ کو انجام دیا تھا -