'منریگا لاکھوں غریبوں کے لیے روزگار کا ذریعہ'

ملک بھر میں کورونا وائرس کی وجہ سے لاک ڈاون کے باعث لاکھوں افراد بے روزگار ہوئے اور بے شمار افراد بدحالی کا شکار ہے۔ لاک ڈاون کے اس بحران کے دوران یو پی اے حکومت کی جانب سے شروع کیے گئے منریگا غریبوں کے لیے روزگار کا سب سے بڑا ذریعہ بن چکا ہے۔

کانگریس صدر سونیا گاندھی نے کہا ہےکہ یو پی اے کے کامیاب ترین منصوبوں میں سے ایک منریگا کے تحت ہندوستان کے گاؤں میں رہنے والے کسی بھی شہری کو کام مانگنے کا قانونی حق اختیار حاصل ہے اور حکومت کے ذریعہ اسے کم از کم مزدوری کے ساتھ کم از کم 100 دنوں تک کام دیے جانے کی گارنٹی ہے۔

سونیا گندھی نے کہا کہ کووڈ-19 وبا اور اس سے پیدا معاشی بحران نے مودی حکومت کو حقیقت کا احساس کروایا ہے جس کی وجہ سے ان کے پاس گزشتہ یو پی اے حکومت کے فلیگ شپ دیہی راحت پروگراموں کو دوبارہ شروع کرنے کے علاوہ کوئی اور متبادل نہیں بچا ہے۔