Military Commanders Conference فوجی کمانڈروں کی کانفرنس شروع، سیکیورٹی چیلنجز پر ہوگا تبادلہ خیال

فوجی کمانڈروں کی دوسری کانفرنس آج سے نئی دہلی میں شروع ہوئی۔ اس پانچ روزہ کانفرنس میں مستقبل کی ضروریات کو مدنظر رکھتے ہوئے فوج کو مضبوط اور اہل بنانے کے حوالے سے بھی گہرائی سے بات چیت کی جائے گی۔ Army Commanders Conference in Delhi

نئی دہلی: مشرقی لداخ میں چین کے ساتھ فوجی تعطل سمیت مختلف سیکورٹی چیلنجوں اور ان سے نمٹنے کی حکمت عملی پر تفصیلی تبادلہ خیال کرنے کے لئے پیر کو یہاں فوج کے اعلیٰ کمانڈروں کی کانفرنس شروع ہوئی۔ اس پانچ روزہ کانفرنس میں مستقبل کی ضروریات کو مدنظر رکھتے ہوئے فوج کو مضبوط اور اہل بنانے کے حوالے سے بھی گہرائی سے بات چیت کی جائے گی۔ Army Commanders Conference in Delhi

وزیر دفاع راج ناتھ سنگھ 10 نومبر کو فوجی کمانڈروں سے خطاب کریں گے۔ اس کے علاوہ چیف آف ڈیفنس اسٹاف اور بحریہ اور فضائیہ کے سربراہان بھی اعلیٰ فوجی کمانڈروں کے ساتھ موجودہ سیکیورٹی صورتحال اور مسلح افواج کی ضروریات کے بارے میں اپنے خیالات پیش کریں گے۔ اس دوران تینوں فوجوں کے درمیان ہم آہنگی اور تال میل بڑھانے کے اقدامات پر بھی تفصیلی تبادلہ خیال کیا جائے گا۔

دیگر طے شدہ سرگرمیوں کے علاوہ، کچھ سلگتے ہوئے موضوعات جیسے کہ عصری ہند-چین تعلقات اور ٹیکنالوجی پر مبنی قومی سلامتی کو درپیش چیلنجز پر بھی کانفرنس میں گہرائی سے تبادلہ خیال کیا جائے گا۔ فوج کے اعلیٰ کمانڈروں کی کانفرنس سال میں دو بار ہوتی ہے اور اس میں تمام بڑے کمانڈرز اور اعلیٰ فوجی افسران شریک ہوتے ہیں۔ کانفرنس میں فوج سے متعلق امور پر گہرائی سے بات چیت کے بعد اہم پالیسی فیصلوں کا خاکہ تیار کیا جاتا ہے۔ کانفرنس کے دوران، تمام سینئر فوجی کمانڈر ابھرتے ہوئے سیکورٹی چیلنجوں اور انتظامی امور پر گہرائی سے غور و خوض کرتے ہیں۔

یو این آئی