عام آدمی پارٹی کے ترجمان اور راجیہ سبھا رکن پارلیمنٹ سنجے سنگھ نے ٹویٹ کرکے اس کی تصدیق کی ہے۔انہوں نے کہا کہ دہلی کے وزیراعلی بھائی اروند کیجریوال کو کل دوپہر سے بخار اور گلے میں درد کی شکایت ہے۔
انہوں نے ڈاکٹروں کی صلاح پر خود کو گھر میں آئیسولیٹ کرلیا ہے۔نوجون کو ان کا کورونا ٹیسٹ ہوگا۔خدا سے دعا ہے انہیں جلد ٹھیک کرے۔‘‘
پارٹی ذرائع نے بتایا کہ اتوار کو پریس کانفرنس کے بعد کیجریوال کی طبیعت خراب ہوگئی تھی اوراس کے بعد انہوں نے خود سب سے الگ تھلگ کرلیا۔ وزیراعلی کے سبھی پروگرام منسوخ کردئے گئے تھے۔
واضح رہے کہ دارالحکومت میں کورونا وائرس معاملوں کی تعداد مسلسل بڑھ رہی ہے۔دہلی میں کل تک کورونا کے تقریباً 29 ہزار معاملے آچکے ہیں ان میں سے 10999 کورونا مریض ابھی تک ٹھیک ہوچکے ہیں۔
وہیں 17,125 فعال مریض ابھی بھی علاج کرارہے ہیں۔یہاں مرنے والوں کی تعداد 812 تک پہنچ چکی ہے۔دہلی میں کورونا ہاٹ اسپاٹ کی تعداد بھی بڑھکر 186 ہوچکی ہے۔
