'ایسا تو ایمرجنسی میں بھی نہیں ہوا'

نامور وکیل پرشانت بھوشن کا کہنا ہے کہ ملک میں ایمرجنسی نافذ کی گئی تھی تب بھی عدالتیں بغیر کسی دباؤ کے کام کر رہی تھی، تاہم اب تو عدلیہ سے متعلق بھی ایسا لگ رہا ہے کہ، انہیں کچھ دکھائی ہی نہیں دے رہا۔'

بھارت کے نامور وکیل پرشانت بھوشن نے ملک بھر میں ہونے والے حالات پر عدلیہ کی خاموشی پر ناراضگی کا اظہار کرتے ہوئے کہا کہ ایسا تو ایمرجنسی کے دوران بھی نہیں ہوا، جیسا کہ اب کے حالات ہیں۔

مسٹر بھوشن نے کہا کہ جو عدالتوں میں بیٹھے ججز ہیں جن کی ذمہ داری ہے، آئین کی حفاظت کرنا عوام کے حقوق کا خیال رکھنا اور انہیں تحفظ دینا، لیکن وہ بس بیٹھے ہیں اور تنخواہیں لے رہے ہیں۔

انہوں نے کہا کہ ان کی یہ خاموشی تو ایمرجنسی میں بھی نہیں دیکھی گئی، تب بھی ملک کی 10 ہائی کورٹ کے ذریعہ سپریم کورٹ کی خاموشی پر سوال اٹھائے تھے۔

انہوں نے یاد دلاتے ہوئے کہا کہ جب ایمرجنسی کے دوران ہائی کورٹ نے آواز اٹھائی تھی تو سپریم کورٹ بھی ڈر گیا تھا، لیکن اب تو سپریم کورٹ بالکل ختم ہی ہو گیا ہے۔

انہوں نے مزید کہا کہ شہریت ترمیمی قانون کے خلاف ہو رہے احتجاج بھارت کی آزادی کی دوسری لڑائی ہے۔ ایک جنگ بھارت نے انگریزوں سے لڑنے کے لیے کی تھی اور اب دوسری بھارت کے آئین کے لیے کر رہے ہیں۔