ہریانہ کے میوات میں بھی انتظامیہ کی جانب سے یوم آزادی کا جشن سادگی سے منانے کی ہدایات جاری کی گئی ہیں۔
ضلع نوح میوات میں فریدآباد کے کمشنر سنجے جون پریڈ کی سلامی لیں گے۔ ڈپٹی کمشنر نوح پنکج یادو نے ہدایات جاری کرتے ہوئے کہا کہ تقریب کے دوران ماسک لگانا، سنیٹائز کرنا اور سماجی فاصلہ برقرار رکھنا لازمی ہوگا۔ انہوں نے کہا کہ ضلع سطح پر یوم آزادی تقریب یاسین میو ڈگری کالج نوح میں منعقد ہوگی جس میں کمشنر سنجے جون پرچم کشائی کریں گے۔
اسی طرح ضلع پلول کی ہتھین (میوات)میں بھی ایس ڈی ایم وکیل احمد نے ہدایات جاری کرتے ہوئے کہا کہ کورونا وبا کے چلتے جشن آزادی سادگی اور سماجی فاصلہ برقرار رکھتے ہوئے منایا جائے گا۔
انہوں نے کہا کہ اس مرتبہ جشن آزادی کے موقع پر ثقافتی پروگرام منعقد نہیں کیے جائیں گے۔ اس سلسلسہ میں وکیل احمد نے تحصیل کے تمام افسران کے ساتھ ایک اجلاس منعقد کیا اور انہیں ضروری ہدایات دیں۔
تصویر : پنکج یادو ،ڈپٹی کمشنر نوح دوسری تصویر میں ایس ڈی ایم۔وکیل احمد میٹنگ لیتے ہوئے۔
