آل انڈیا مسلم پرسنل لاء بورڈ کے سکریٹری اور ترجمان کمال فاروقی نے امت شاہ کے ذریعہ ہندی کو پورے ملک میں لازمی کرنے کے بیان پر ردعمل ظاہر کرتے ہوئے کہا کہ امت شاہ خود اپنی ریاست گجرات میں نظر ڈالیں جہاں بورڈ میں شاذ و نادر ہی ہندی نظر آئے گی۔
آل انڈیا مسلم پرسنل لاء بورڈ کے ممبر اور سیاسی تجزیہ کار کمال فاروقی فاروقی نے مزید کہا کہ یہ ملک لسانی تنوع کا ہے اور ہندی کو لازمی کرنے کی کوشش یہاں کسی سے ہضم نہیں ہوگی لیکن اگر پھر بھی وہ کرنا چاہتے ہیں تو کریں ہمیں کوئی اعتراض نہیں۔
واضح رہے کہ امت شاہ نے یوم ہندی کے موقع پر ملک کے باشندوں کو مبارکباد پیش کرتے ہوئے کہا تھا کہ بھارت میں کئی زبانیں بولی جاتی ہیں اور ہر زبان کی اپنی اہمیت ہے۔ لیکن پورے ملک کو ایک دھاگے میں پیرونے کے لیے ایک زبان ہونا ضروری ہے اور سب سے زیادہ بولی جانے والی ہندی زبان ہے۔ انہوں نے تمام شہریوں سے ہندی زبان کا استعمال کرنے کی اپیل کی تھی۔ 
