دارالحکومت دہلی کے کرشنا نگر علاقے میں ایک پارٹی کے دوران کہا سنی کے معاملے پر چار دوستوں نے مل کر اپنے ہی دوست کا قتل کر دیا۔ 'وہ اپنے چار دوستوں کے ساتھ پارٹی کر رہا تھا۔ تبھی اس کے دوست ہیمنت، نتن، گورو اور اس کے ایک اور ساتھی سے جھگڑا ہوگیا جس کے بعد چاروں اسے دھمکیاں دے کر چلے گئے۔
اس کے فوراً بعد ہی وہ چاروں وہاں واپس آئے اور اس کا چاقو سے قتل کر دیا۔
پولیس کو جیسے ہی اس کی اطلاع ملی کہ ایک شخص لہولہان پڑا ہوا ہے تووہ فوراً موقع پرپہنچ گئی اورزخمی نوجوان کو سوامی دیانند ہسپتال میں داخل کرایا گیا جہاں ڈاکٹروں نے اسے مردہ قرار دے دیا۔
یہ بھی پڑھیں: دہلی: خاتون اور نوجوان نے خودکشی کی کوشش کی
پولیس نے 4 گھنٹے میں ہی معاملہ حل کرکے 4 نوجوانوں کوگرفتار کرلیا اور ان سے پوچھ گچھ شروع کردی، جس کے بعد قتل کا انکشاف ہوا۔ پولیس مزید تفتیش کر رہی ہے۔
