مساجد میں بھی کورونا گائیڈ لائنز پر عمل کریں: سید احمد بخاری

شاہی امام سید احمد بخاری نے مسلمانوں سے اپیل کی ہے کہ نماز کے اوقات میں ماسک اور سوشل دسٹینسنگ کا ضرور خیال رکھیں۔ جامع مسجد میں اس سے متعلق تمام اقدامات کیے جا رہے ہیں۔

قومی دارالحکومت دہلی کی جامع مسجد کے شاہی امام سید احمد بخاری نے دہلی کی عوام سے کورونا وائرس سے متعلق اپیل کی ہے کہ وہ کورونا وائرس سے اپنی حفاظت کو یقینی بنائیں اور مساجد میں بھی کورونا گائیڈ لائنز پر عمل کریں۔

شاہی امام نے کہا کہ 'اس بار کا کورونا وائرس گزشتہ برس سے زیادہ خطرناک ہے۔ اس لیے ہمیں مزید احتیاط کی ضرورت ہے۔ انہوں نے بتایا کہ ان کے پاس اطلاعات آرہی ہیں کہ اس بار کے کورونا وائرس سے بزرگ کے بجائے نوجوان زیادہ متاثر ہو رہے ہیں۔'

سید احمد بخاری نے تمام مساجد انتظامیہ سے اپیل کی ہے کہ وہ مساجد میں سوشل دسٹینسنگ کے ساتھ نماز ادا کریں تاکہ کسی بھی طرح سے کورونا گائیڈ لائن کی خلاف ورزی نہ ہو۔

واضح رہے کہ رواں برس بھی جامع مسجد کے دالان میں تراویح کی اجازت نہیں دی گئی ہے جبکہ مسجد میں افطار کرنے سے بھی لوگوں کو منع کیا گیا ہے۔