دہلی اسمبلی میں اب سے چند گھنٹوں کے بعد یہ واضح ہوجائے گا کہ اس بار کے انتخابات میں کون سی پارٹی اقتدار میں آئے گی۔ 8 فروری کو ہوئے دہلی اسمبلی الیکشن کی آج ووٹوں کی گنتی شروع ہو چکی ہے۔
انتخابی مہم کے دوران بی جے پی اور عام آدمی پارٹی کے رہنما ہنومان مندر میں دعائیں کر رہے ہیں۔ اب سے کچھ ہی گھنٹوں کے بعد تصویر واضح ہوجائے گی کہ عوام نے کسے ووٹ دیا ہے۔
جیت کے لیے دعا
اسمبلی انتخابات کے لئے نامزدگی سے قبل وزیر اعلی اروند کیجریوال نے عوامی حمایت ثابت کرنے کے لئے روڈ شو کیا۔ ان کا آخری اسٹاپ کناٹ پلیس میں واقع ہنومان مندر تھا۔ اس کے بعد ووٹنگ سے عین قبل کجریوال اپنے اہل خانہ کے ساتھ اسی ہنومان مندر میں درشن کے لیے آئے تھے۔
کجریوال پر الزام
اسی بیچ بی جے پی کی طرف سے الزام لگانے کی کوشش کی گئی کہ کجریوال نے جس ہاتھ سے جوتے اتارے اسی ہاتھ سے ہنومان جی کو مالا پیش کی۔ ووٹنگ ختم ہونے کے بعد ریاستی بی جے پی صدر منوج تیواری سمیت تمام بی جے پی رہنما ہنومان مندر آئے اور بجرنگبلی کا درشن کیا۔
گنتی سے پہلے ہنومان کی پناہ میں بی جے پی کے رکن پارلیمان
ووٹوں کی گنتی شروع ہو چکی ہے۔ بی جے پی کے ممبر پارلیمان وجے گوئل بھی کناٹ پلیس میں واقع ہنومان مندر درشن کے لیے جائیں گے اور پارٹی کی جیت کے لیے دعا کریں گے۔
بی جے پی ایکزٹ پول کو مسترد کرتی رہی
واضع رہے کہ 'عام آدمی پارٹی کی حکومت کو ایگزٹ پول کے مطلق اکثریت ملتی نظر آرہی ہے جبکہ بی جے پی کے سینئر رہنما نے یہ کہتے ہوئے ایگزٹ پول کو مسترد کردیا کہ بی جے پی سراقتدار میں آئے گی۔
