لال قلعہ تشدد کیس کی تحقیقات کرنے والی دہلی پولیس کی کرائم برانچ نے لال قلعہ تشدد میں مبینہ طور پر ملوث 20 ملزمان کی تصویر جاری کی۔ دہلی پولیس ملزمین کی تصاویر کی مدد سے ان تک پہنچنے کی کوشش کر رہی ہے۔
اس سے قبل بھی 50 ملزمین کی تصاویر جاری کی جاچکی ہیں۔
لال قلعہ تشدد کیس
واضح رہے کہ یوم جمہوریہ کے موقع پر دہلی میں کسانوں کی ٹریکٹر ریلی نکالی گئی تھی۔ اس دوران مظاہرین کے ذریعہ دارالحکومت کے مختلف علاقوں میں تشدد کیا گیا جبکہ ایک گروہ لال قلعہ پہنچ کر وہاں تشدد برپا کیا تھا جبکہ اس دوران تقریباً 400 پولیس اہلکار زخمی بھی ہوئے تھے اور دہلی پولیس کے ذریعہ سب تک 40 سے زائد ایف آئی آر درج کی جا چکی ہیں۔
وہیں اسی دوران 130 سے زائد ملزمین کو گرفتار بھی کیا جا چکا ہے۔
