دہلی: اے سی پی کے شوہر کی کورونا سے موت

کورونا سے متاثرہ دہلی پولیس کی اے سی پی سریندر جیت کور کے شوہر کی ہسپتال میں موت ہوگئی۔ کورونا انفیکشن کی وجہ سے انہیں اپولو ہسپتال میں داخل کرایا گیا تھا۔ یہاں حالت نازک ہونے کی وجہ سے انہیں وینٹیلیٹر پر رکھا گیا تھا۔ وہیں پیر کی شب علاج کے دوران انتقال کر گئے۔

مئی کے مہینے میں دہلی پولیس کی اے سی پی سریندر جیت کور اور ان کے شوہر چرنجیت سنگھ کورونا سے متاثر ہوئے تھے۔ دونوں کو علاج کے لئے اپولو ہسپتال میں داخل کیا گیا۔ یہاں کے علاج سے اے سی پی سریندر جیت کور کورونا انفیکشن سے ٹھیک ہوگئیں، لیکن ان کے شوہر کی حالت بہتر نہیں ہو رہی تھی۔ انہیں اسپتال میں وینٹیلیٹر پر رکھا گیا تھا جہاں پیر کی رات ان کی موت ہوگئی۔ واقعے کی اطلاع ان کے اہل خانہ کو دی گئی ہے۔

چرنجیت سنگھ ایک بینک ملازم تھا جو کورونا انفیکشن کی وجہ سے اپنی جان سے ہاتھ دھو بیٹھا۔ ان کی اہلیہ اے سی پی سریندر جیت کور جنوب مشرقی دہلی میں کام کررہی ہیں۔