کانگریس کے رہنما منیش تیواری نے وزیر اعظم کو خط لکھ کر اس طرف ان کی توجہ مبذول کرائی ہے۔
انہوں نے اگلے برس 26 جنوری کو تینوں شہیدوں کو بھارت رتن سے نوازنے اور رسمی طور پر 'شہید اعظم' اعلان کرنے کی درخواست کی ہے۔
بھگت سنگھ، راج گرو اور سکھ دیو کو بھارت رتن دینے کا مطالبہ
انہوں نے کہا کہ 'شہید بھگت سنگھ، راج گرو اور سکھ دیو نے برطانوی حکومت کے خلاف اعلی ترین قربانی دے کر محبان وطن کی ایک پوری نسل کو متحرک کیا۔'
تیواری نے چندی گڑھ ہوائی اڈے کا نام شہید اعظم شہید بھگت سنگھ کرنے کی بھی درخواست کی۔
انہوں نے کہا کہ 'یہ فیصلہ ملک کے 124 کروڑ لوگوں کے دلوں اور جذبات کے مطابق ہوگا۔'
خیال رہے کہ انگریزوں نے بھگت سنگھ، راج گرو اور سکھ دیو کو 23 مارچ 1931کو پھانسی دے دی تھی۔
