قومی دارالحکومت دہلی بھارتیہ جنتا پارٹی (بی جے پی) کے صدر آدیش گپتا نے کہا ہے کہ مرکزی وزیر داخلہ امت شاہ کی صدارت میں دہلی میں کورونا کی صورت حال پر آل پارٹی میٹنگ میں نجی ہسپتالز میں انفیکشن سے دوچار مریضوں کے علاج کا چارج طے کرنے کا مشورہ مان کر ایک کمیٹی تشکیل دی گئی ہے، جس کی رپورٹ کی بنیاد پر اس معاملے میں فیصلہ کیا جائے گا۔
مسٹر گپتا نے میٹنگ کے بعد نامہ نگاروں کوبتایا کہ 'ہم نے نجی سپتالز کے کورونا مریضوں سے لیے جانے والے چارج کو طے کرنے کا مشورہ دیا ہے'۔
انہوں نے 'اس معاملے میں وی کے پال کمیٹی تشکیل دی گئی ہے جو دو دنوں میں اپنی رپورٹ پیش کرے گی، جس کے بعد نجی ہسپتالز میں کورونا وائرس کے علاج کے خرچ کی حد طے کی جاسکتی ہے'۔
انہوں نے بتایا کہ بی جے پی نے کوروناوائرس کی جانچ فیس پچاس فیصد کم کرنے کا مشورہ دیا ہے، جسے قبول کرلیا گیا ہے۔
انہوں نے بتایا کہ 'یہ وقت ایک دوسرے پر الزام، جوابی الزام لگانے کا نہیں ہے، ہمیں مشترکہ طور پر کوروناوائرس کے انفیکشن سے لڑائی لڑنے کا ہے'۔
یہ پوچھے جانے پر کہ میٹنگ میں لاک ڈاؤن پر کوئی مشورہ دیا گیا ہے، اس پر مسٹر گپتا نےکہا کہ لاک ڈاؤن کے سلسلے میں کسی طرح کا مشورہ نہیں دیا گیا ہے۔
