عام آدمی پارٹی کے قومی کنوینر مسٹر کیجریوال نے اپنی سلامتی کے بارے میں تشویش کا اظہار کرتے ہوئے کہا کہ بھارتیہ جنتا پارٹی نے اسے قتل کرانا چاہتی ہے۔
مسٹر کیجریوال نے ٹویٹ کیا، ’’ بی جے پی نے مجھے کیوں مروانا چاہتی ہے؟ میری غلطی کیا ہے میں ملک کے لوگوں کے لئے اسکولوں اور ہسپتال بنوا رہا ہوں۔ پہلی بار، ملک میں اسکول اور ہسپتال کی مثبت سیاست شروع ہوئی ہے۔ بی جے پی اس کو ختم کرنا چاہتی ہے، لیکن آخری سانس تک، میں ملک کے لئے کام جاری رکھوں گا‘‘۔
دہلی کے وزیر اعلی نے پنجاب میں نیوز چینلز کے ساتھ بات چیت میں، کہا تھا، ’’بی جے پی مجھے اپنے ہی سیکورٹی اہلکاروں سے مرواسکتی ہے۔ میرے اپنے سیکورٹی اہلکار بی جے پی کو رپورٹ کرتے ہیں‘‘۔
مسٹر کیجریوال نے الزام لگایا تھا کہ بی جے پی ایک دن انہیں سابق وزیر اعظم اندرا گاندھی کی طرح مروادے گی ۔
دلی پولیس نے ان الزامات کو مسترد کرتے ہوئے، ایک بیان جاری کرکے کہا کہ اس کی سیکورٹی یونٹ پیشہ ورانہ ہے اور اس میں مکمل تربیتی اہلکار ہیں جو اپنے فرائض کے تئیں پر عزم ہیں۔ دلی پولیس نے کہا کہ اس کے کارکن پورے خلوص اور پیشہ ورانہ طریقے سے کام کرتے ہیں ۔
