دہلی کے بٹلہ ہاؤس انکاؤنٹر میں ملوث سب انسپیکٹر سنجیو کمار کی موٹر سائیکل حادثے میں علاج کے دوران موت ہو گئی۔ متوفی ایس آئی سنجیو کمار کو صدر پولیس میڈل اور گیلنٹری میڈل سے بھی نوازا جا چکا ہے۔
جانکاری کے مطابق سنجیو کمار 28 دسمبر کو بابا ہری داس نگر پولیس اسٹیشن SI Sanjeev Kumar Road Accident کے سامنے اپنی کار پارک کرکے سڑک پار کررہے تھے۔ تبھی سامنے سے آ رہی تیز رفتار موٹر سائیکل نے انہیں ٹکر مار دی جس سے وہ شدید زخمی ہو گئے۔ اس کے بعد اسے فوری طور پر وینکٹیشور اسپتال میں علاج کے لیے داخل کرایا گیا، جہاں علاج کے دوران اس کی موت ہوگئی۔ حادثے میں بغیر ہیلمٹ موٹر سائیکل سوار تین نوجوان زخمی بھی ہوئے، جنہیں مقامی اسپتال میں داخل کرایا گیا۔
بتا دیں کہ سنجیو کمار مغربی دہلی میں جنک پوری کے قریب پوشنگی پور گاؤں کا رہنے والا تھا، انہیں دو بار آؤٹ آف ٹرن پروموشن بھی ملا۔ ان کی فیملی میں اہلیہ اور دو بیٹے ہیں۔ فی الحال پولیس نے پوسٹ مارٹم کے بعد لاش لواحقین کے حوالے کر دی ہے۔
