صدر جمہوریہ رام ناتھ کووند نے اپنے تعزیتی پیغام میں کہا کہ،’’ سابق مرکزی وزیر اور معروف وکیل رام جیٹھ ملانی کے اچانک انتقال سے افسردہ ہوں ۔وہ انتہائی بے باکی کےساتھ عوامی معاملات پر اپنی اظہار رائے کے لیے جانے جاتے تھے ۔قوم نے ایک اہم قانون داں اور عظیم عالم کو کھودیا ہے۔ ‘‘
نائب صدر جمہوریہ وینکیا نائیڈو نے کہا،’’ رام جیٹھ ملانی کا انتقال میرا ذاتی نقصان ہے۔ میں نے اپنا دوست اور قریبی ساتھی کھودیا ہے ۔خدا ان کی روح کو تسکین دے اور ہم سب کو دکھ کی اس گھڑی میں صبروتحمل سے کام لینے کی توفیق دے ۔‘‘
وزیراعظم مودی نے اپنے تعزیتی پیغام میں کہا،’’ رام جیٹھ ملانی جی کے انتقال سے بھارت نے ایک غیر معمولی وکیل اور ایک اہم عوامی خدمت گار کو کھودیا ہے ،جس نے عدالت اور پارلیمنٹ میں کافی اہم خدمات انجام دیں۔ خوش مزاج اور بہادر انسان تھے اور کبھی کبھی کسی موضوع پر پورے یقین کےساتھ اپنے خیالات کے اظہار سے گریز نہیں کرتے تھے۔ ‘‘
وزیراعظم نریندر مودی نے کہا کہ رام جیٹھ ملانی جی کی سب سے بڑی خوبیوں میں سے ایک خوبی یہ تھی کہ وہ اپنی بات انتہائی بے باکی سے رکھتے تھے ۔ایمرجنسی کےدوران ان کے عزم اور عام لوگوں کی آزادی کے لیے ان کی لڑائی کو ہمیشہ یاد کیا جائے گا ،ضرورت مندون کی مددکرنا ان کی زندگی کا ایک اہم حصہ تھا۔
