دیوالی سے پہلے ایک بڑی پیشرفت میں دہلی پولیس نے اتوار کے روز پٹاخوں کی فروخت کے لئے جاری تمام لائسنس معطل کرتے ہوئے کہا ہے کہ نیشنل گرین ٹریبونل کی ہدایت پر مزید کارروائی کی جائے گی۔
دیوالی سے قبل پولیس نے دہلی کے مختلف علاقوں میں فروخت ہونے والے 593 کلوگرام غیرقانونی پٹاخے ضبط کر لیے ہیں۔ اس سلسلے میں سات افراد کو بھی گرفتار کیا گیا ہے اور ان کے خلاف مقدمات درج ہیں۔
ایک سینئر پولیس افسر نے بتایا کہ دہلی پولیس نے اس سلسلے میں آٹھ مقدمات درج کرنے کے بعد پٹاخوں جلانے کے الزام میں دو افراد کو بھی گرفتار کیا ہے۔
انہوں نے کہا کہ ہفتہ کے روز ایک شخص کو جنوبی دہلی کے جیٹ پور میں بغیر لائسنس کے غیر قانونی آتشبازی فروخت کرتے ہوئے گرفتار کیا گیا اور اس کے قبضے سے 16.3 کلو غیر قانونی پٹاخے برآمد کیے گئے۔
اس سے قبل رگوبیر نگر میں اس کی دکان سے غیر قانونی پٹاخوں کی سپلائر کو گرفتار کیا گیا تھا. اس کے قبضے سے 414.6 کلو مختلف اقسام کے غیر قانونی آتشبازی برآمد کی گئی تھی ۔
کورونا کیسز کی تعداد میں اضافہ ہونے کے سبب دہلی حکومت نے 7 سے 30 نومبر کے درمیان پٹاخوں کے خرید و فروخت پر پابندی عائد کردی ہے.
کلکتہ ہائی کورٹ نے مغربی بنگال میں دیوالی, کلی پوجا ، چھٹ پوجا اور جگادھتری پوجا کے لئے پٹاخوں کی فروخت اور استعمال پر بھی پابندی عائد کردی تھی۔ ۔
راجستھان اڈیشہ سمیت متعدد ریاستوں نے پہلے ہی پٹاخوں پر پابندی عائد کرنے کا فیصلہ کیا ہے کیونکہ پٹاخے ان افراد کی صحت کو بری طرح متاثر کرسکتے ہیں جو پہلے ہی کورونا وائرس سے متاثر ہوچکے ہیں۔ ماہرین نے ان کے استعمال کو کنٹرول کرنے کا مشورہ بھی دیا ہے۔
