ایمس ڈائرکٹر، ڈاکٹر رندیپ گلیریا نے بتایا کہ انسٹی ٹیوٹ کی جانب سے کوویڈ۔19 کے مریضوں کے علاج کا پلازمہ تھراپی کے ذریعہ تجربہ کرنے کا منصوبہ بنایا جارہا ہے۔
اس سلسلہ میں ڈرگ کنٹرولر جنرل آف انڈیا سے منظوری حاصل کرنے کےلیے کوشش کی جارہی ہے جبکہ ڈاکٹر گلیریا کے مطابق کورونا کے علاج کا تجربہابھی بھی آزمائشی مرحلے میں ہی ہے۔
اطلاعات کے مطابق ملک کی مختلف ریاستوں میں پلازما تھراپی کے ذریعہ کورونا متاثرہ مریضوں کے علاج کے بہتر نتائج برآمد ہو رہے ہیں اور تبلیغی جماعت سے وابستہ متعدد افراد نے پلازما کا عطیہ دینے کی پیشکش کی ہے۔
واضح رہے کہ وزارت صحت نے کہا ہے کہ اس بات کا کوئی واضح ثبوت نہیں ہے کہ پلازما تھراپی، کورونا کا علاج ہے۔ وزارت نے مزید بتایا کہ اگر پلازما تھراپی کے دوران رہنمایانہ ہدایات پر عمل نہیں کیا جاتا ہے تو مریض کی زندگی کےلیے خطرہ ہوسکتا ہے۔
