دہلی یونیورسٹی آف ٹکنالوجی (ڈی ٹی یو) کے مختلف شعبوں کی کلاسز میں داخلے کا عمل جاری ہے۔ یونیورسٹی کے وائس چانسلر پروفیسر یوگیش سنگھ نے کہا کہ اس بار کوویڈ- 19 وبا کی وجہ سے داخلے کے عمل میں بہت سی تبدیلیاں کی گئی ہیں۔انہوں نے بتایا کہ مشترکہ داخلہ کونسلنگ (جوائنٹ ایڈمیشن کاؤنسلنگ) (جے اے سی) دہلی کے تحت انڈرگریجویٹ کلاسز کے داخلے کے عمل کا اعلان جے ای ای (مین) امتحان کے بعد ہی کیا جائے گا، جو ستمبر کے پہلے ہفتے میں ہونے کا امکان ہے۔
فی الحال ڈی ٹی یو، آئی جی ڈی ٹی ڈبلیو، آئی آئی آئی ٹی ڈی اور این ایس یو ٹی جیک میں حصہ لے رہا ہے۔وائس چانسلر نے دیگر کلاسز میں داخلے کے بارے میں معلومات دیتے ہوئے کہا کہ اس سال کے لئے ، ڈی ٹی یو میں ایم بی اے فیملی بزنس پروگرام کے لئے درخواست دینے کی آخری تاریخ 16 اگست 2020 رکھی گئی ہے، جبکہ انٹر نیشنل ایم بی اے پروگرام کے لئے درخواست دینے کی آخری تاریخ 30 ستمبر 2020 ہے۔ اسی طرح انٹر نیشنل بیچلر آف ٹکنالوجی پروگرام کے لئے درخواست دینے کی آخری تاریخ 30 ستمبر 2020 ہے۔ ڈی ٹی یو کے مشرقی دہلی کیمپس کے انٹر نیشنل بیچلر آف بزنس ایڈمنسٹریشن پروگرام کے لئے درخواست دینے کی آخری تاریخ 30 ستمبر 2020 ہے۔
مشرقی دہلی کیمپس میں ہی انٹر نیشنل بیچلر آف آرٹس (آنرز) اکنامکس پروگرام کے لئے درخواست دینے کی آخری تاریخ 30 ستمبر 2020 ہے۔ ڈی ٹی یو کے انٹر نیشنل بیچلر آف ڈیزائن پروگرام کے لئے درخواست کی آخری تاریخ 30 ستمبر 2020 ہے ، جبکہ ڈی ٹی یو کے مشرقی دہلی کیمپس کے بی اے پروگرام میں انٹر نیشنل ماسٹر آف بزنس ایڈمنسٹریشن کے لئے درخواست دینے کی آخری تاریخ 30 ستمبر 2020 ہے۔
مزید معلومات دیتے ہوئے انہوں نے بتایا کہ ڈی ٹی یو میں انٹرنیشنل ایم ٹیک پروگرام کے لئے درخواست دینے کی آخری تاریخ 30 ستمبر 2020 رکھی گئی ہے۔ انٹر نیشنل ایم ایس سی پروگرام اور بین الاقوامی ماسٹر ڈیزائن پروگرام کے لئے درخواست دینے کی آخری تاریخ 30 ستمبر 2020 ہے۔ ڈی ٹی یو کے یو ایس ایم ای (ایسٹ دہلی کیمپس) میں بیچلر آف آرٹس (آنرز) اکنامکس پروگرام کے لئے درخواست دینے کی آخری تاریخ 14 اگست 2020 ہے جبکہ ڈی ٹی یو کیمپس میں دہلی اسکول آف مینجمنٹ (ڈی ایس ایم) میں ای ایم بی اے پروگرام کے لئے درخواست دینے کی آخری تاریخ 31 جولائی 2020 ہے۔
یہ بھی پڑھیں:اس بار دہلی میں یوم آزای کی تقریب قدرے مختلف ہوگی
